Podemo ben ruzar quanto volemo
De sta nostra infelice condizion,
Dei mali de sto mondo buzaron,
Ch’alla passion bisogna che ghe stemo.
Tutti sotto sta leze nú nascemo,
Tanto nasce ‘l pittocco che ‘l riccon,
No va esente ‘l virtuoso né ‘l cogion,
Ma l’ha d’andar cussí finché vivemo.
No me lagno del mal della natura,
Se far de meggio no la ga podesto,
Me diol del mal ch’ha fatto l’impostura.
Ma ‘l filosofo vero anca in questo
S’ha d’acquietar, e con disinvoltura
Andar in mona, e aver in culo ‘l resto.
Giorgio Baffo (1694-1768)